Glory To God In The Highest

Ama Mi Lyrics (Kankanaey)

Ama mi ay wada'd daya

Nasantoan din ngadan mo

Sapay kuma ta umali di enka pan arian

Matungpal kuma'y nemnem mo

Isnan daga kaman ed daya

Umyaka si kanen mi

Inagew ya edwani

Pakawanem din basol mi

Kaman din pammakawan mi

Sin nakabasol ken dakami

Yan adim iyal-ali sulisog sin sag-en mi

I-adawim en dakami di am-in ay panlawaan mi.

AMEN.

Ipugaw Isnan Batawa (All People That On Earth Do Dwell)

Ipugaw isnan batawa,
Men dayaw kayo ken Apo.
Dayawen yo si Dios Ama.
Siya kuma nan silbiyan yo.

Si Apo Dios nan tet-ewa'y
Nang boliw isnan ipugaw.
Datako ayowanan na
Ya am-in ay binoliw na.

Isu nga umali kayo
Is b'ey na ay men-gasgasing.
Daydayawen yo nan Apo
Ibaga yo's nan ib-a yo.

Gawi-gawis si Apo Dios
Tay siya et mananga-asi.
'Nan kali na't inabak na
Am-in nan mang-apos ken siya.

Nan Kalin Apo Dios (Thou Whose Almighty Word)

Nan kalin Apo Dios, nan usto
   ay silaw. Dengngen daka,
   an-ak mo'y men kapa ta wa'y ulnos, talna,
   dawaten mi'n sik-a, nan silaw mo.

Inmali's Dios Anak isnan na'y
   batawa ay tinmulong.
   Tuweng nakadnge da, bulag nakaila,
   ulaw ginmawis da, tay nan silaw.

Ispiritu Santo, dawaten
   mi'n sik-a, ited mo kad
   layad isnan am-in. Nan egay nen denge,
   silawam daida, gumawis da.

Dios Ama, Dios Anak, Ispiri-
   tu Santo ay mang idya's
   layad, laing, pigsa, dawaten mi da na,
   mensilbi ken sik-a, ay Apo mi.

Alana Nan Mamati (When The Roll Is Called Up Yonder)

No madnge nan tangguyob Kristo ay kailasinan
Nan umaliyan kasin Kristo isna
Umali ay mangala isnan kaipu-ipugaw
Ay mamati et daida'n mitapi.

Umey nan mamati ken siya
Umay nan mamati ken siya
Umey nan mamati ken siya
Ay sik-a nan esa ay mitapi?

Maid ipugaw ay mamangtek is kaikka-nana,
Et masapol men sagana nan am-in
Ta mitapi da ay tet-ewa ken Apo ay Kristo
Ya maitulong da es isnan usto.

Umey nan mamati ken siya
Umay nan mamati ken siya
Umey nan mamati ken siya
Ay sik-a nan esa ay mitapi?

Id wani mente-te-e tako isna ay batawa,
Isu nga ikkan tako od nan gawis
Ta maid mabainan tako ken anak Apo Dios,
Et kanana dadlo en mitapi ka.

Umey nan mamati ken siya
Umay nan mamati ken siya
Umey nan mamati ken siya
Ay sik-a nan esa ay mitapi?

Cordero Ti Dios (Lamb Of God)

Koro:
Cordero ti Dios punasem kad bakbak mi
Kaasiam dagiti tattaom.

1. Agbiagkam kad kenka, agbiagka kadakam.

(Koro).

2. Nabara nga ayat mo, lunagennakam.

Cordero ti Dios punasem kad bakbak mi
Itdem kad kadakam ti kapya.

Ama Mi (Our Father)

Ama mi ay wada'd daya
Nasantoan din ngadan Mo
Sapay kuma ta umali /di en pan-arian
Matungpal kuma'y nemnem Mo
Isnan daga kaman ed daya
Umyaka si kanen mi
Inagew ya ed wani,
Pakawanem din basol mi
Sin nakabasol en dakami.
Yan adim i-al-ali,
Sulisog sin sag-en mi
I-adawim en dakami di am-in
Ay panlawaan mi.